روايه انتقام ابنة ف1 _ تاليف هدى
مرحبا انا اسمي هدى دي اول مرا اكتب روايه ان شاء الله تعجبكم
اوكي نبدا اول شي نتعرف بشخصيات الروايا
عائله احمد الغامدي
اول شي نبدا بالاب : اسمو احمد وهو شخصيه متكبره وتعصب بسرعه وميحب احد يرد عليه واهم شي عندو سمعته وماهمتو عائلته بااختصار يحب نفسه
اسمر وشعرو مايل للاشقر وعينه بنيه
عمره :52 سنه
الام : اسمها شهد وهي شخصيتها عكس الاب 180 درجه بس شخصيتها ضعيفه وماتقدر على الاب في شي يعني تخاف منو وتسمع وتنفذ اي قرار يطلع من الاب
بيضه وشعرها اسود وعينها عسلي
عمرها : 44 سنه
عندهم بنتين وولد دانا ولانا وفيصل
دانا : شخصيتها مرا يعني مو حلوا كسلانها ومتحب تتعب نفسها في شي ومتحب شي اسمو مدرسه وتكره ابوها مرا
دانا جميله مرا عكس شخصيتها بيضه وعينها عسليه وشعرها اسود طويل لين ركبها
عمرها : 9 سنوات
لانا : عكس اختها وتحب المدرسه وعبقريه طبعا تكره اختها لانو بسبب شخصية اختها وتحب ابوها وتكره امها
لانا مو داك الجمال زي اختها بشرتها سمرا على بياض شعرها مايل لاشقر طولو وسط وعينها بني غامق
عمرها : 7 سنوات
فيصل : لسع طفل صغير
ابيض وشعرو اسود عينو عسلي على رمادي
عمره : سنه
وبكذا خلصنا تعريف الشخصيات الرئيسيه في شخصيات ثانيه بتظهر بعدين بنعرفها بعدين
احمد هوا رجل اعمال مشهور في برطانيا< ليه في برطانيا هوا عندو عرق برطاني اخذ اللقب من ابوه امو برطانية الاصل امه وابوه تطلقو وهوا عمرو 17 سنه فعاش مع امه وماقد عاش في السعوديه ابد ولا شافها المهم هوا مليونير وعندو اكثر من قصور الان هوا عايش في لندن كان زمان طيب ويهتم بعائلته بس بعد ماصار مليونير تكبر تعرفوا المثل الفلوس تغير النفوس المهم نكمل
شهد هيا مبتعثه في لندن تعرفو هيا واحمد يوم كانو يدرسو مع بعض في الجامعه وحبو بعض واحمد طلب يدها من اهلها شهد اصلها من البحرين المهم عاشت معاه بس دحين سارت متحبه بس مستحملته عشان عيالها
نبدا الروايا
دانا : ماما كم مرا اقولك ماابا ادرس مااحب المدرسه
شهد : ليش يابنتي اش فيها المدرسه احد يضايقك هناك
دانا : ايوا ماحب المدرسه
احمد جا لعندهم : اش فيه كل دا الصياح دانا ليه مارحتي المدرسه
دانا بتوتر : ماابا اروح المدرسه
شهد بخوف: شكلها تعبانه اليوم بتغيب
احمد بصراخ : وليه تغيب دانا بتروحي ولا اوريكي شغلك
دانا بصراخ : ماابا اروح كيفي انت روح جمعلك الفلوس ومالك صلاح فيا
احمد اعطى دانا كف قوي
دانا : اكرهك اكرهكم كلكم سبوني في حالي
دانا راحت لغرفتها وحبست نفسها وطاحت على السرير تبكي
احمد : شهد
شهد بخوف : امر
احمد : ليه دانا ماتبا تروح المدرسه ؟
شهد : ماادري بس تقول انو في اطفال يتنمرو عليها في المدرسه
احمد : عشان كذا مابتروح طيب بجبلها مدسين وتدرس في البيت
شهد : سوي الي يريحك انا بروح اشوف دانا
احمد : سيبيها في حالها
لانا : ماما ماما
شهد: ايوا لانا اشبك مستعجله
لانا : صحباتي بيسو حفله ميلاد لساره بسولها مفاجئه ابا اروح
ساره تكون صديقه لانا في المدرسه وهيا برطانيا
شهد : انا مالي صلاح روحي كلمي ابوكي
لانا تحب ابوها لانو اي شي تقولوا يرضى عكس دانا وتكره امها لانو تهتم بدانا اكثر منها
اليوم الثاني
دانا : ماما من دول
شهد : ابوكي جابلك مدرسين لعندك بدل متروحي للمدرسه
دانا: مرا تعب نفسوا كم مرا اقولكم انا مااحب الدراسه
شهد : يابنتي لازم تدرسي ماينفع كذا
دانا في قلبها : انا اوريك يامحب الفلوس > تقصد ابوها < اذا ماخليتك تكره انك تجبلي المدرسن دول مااكون دانا
دانا سارت تسوي حركات تنرفز المدرسين وابوها جاب كم مدرس ومافي فايدا كل ما جاب مدرسين يروحو لعنده ويقولون انو بنتك ماينفع احد يدرسها لازم تربيها تمام
احمد مرا عصب من دانا ورجع البيت متنرفز من دانا
احمد بصراخ : دانا دانا
كل البيت اجتمعوا عنده
شهد : خير يابو فيصل اش سوت دانا
احمد : انتي اسكوتي , دانا تعالي هنا دحين
دانا : خير اش فيه قامت القيامه
احمد : تادبي يا بنت انا ابوكي
دانا : اه صح نسيت دوبي اعرف انك ابويا تصدق
احمد : تادبي احسلك وكمان انتي ايش سويتي للمدرسن جو عندي يشتكو منك ؟
دانا : ولا شي
احمد : ولا شي لاتكذبي يابنت الكلب
دانا : سبحان الله قال عن نفسو كلب
شهد : يابنتي بسك رد على ابوكي ماحقدر ادافع عنك لو عصب
لانا : ماما سيبيها اصلا هيا تبا دا الشي لنفسها
شهد : انتي اسكتي لايقوم ابوكي فيكي دحين
لانا : ادري ان شاء الله يموتها ويفكنا منك
شهد : استغفر الله بس
شهد : استغفر الله بس
احمد بصراخ : دانا بتجاوبي ولا بتشوفي شي مني مايسرك
دانا بصراخ : هوا انا اصلا شفت شي منك يسرني
احمد وصل حده وسحب دانا من شعرها ووداها لبيت المزرعه وحبسها في غرفه هناك وقال ليمجموعه من الخدم انهم يحطوا عينهم عليا ولا يعطوها اكل ولا شي عشان تتادب شهد سمعت الكلام وماقدر تشوف بنتها تموت وهيا ماتقدر تسوي شي وفي نفس الوقت ماقدر تعصي كلمه زوجها فراحت لعند الخدم نفسهم وقالتلهم انهم يعطوها اكل ومويه وبتعطيهم اي شي يطلبوه طبعا الخدم على طول وافقو
احمد في راسو انو خلاص طفش من تصرافت بنتو الكبيره وقال خليها تموت من الجوع وفي النهايه بتموت وهوا مهو داري ايش سوت زوجتوا المهم بعد شهر الناس استغربوا انو دانا مختفيه فا سالوا ابوفيصل فين دانا تورط احمد فسوا تمثيليه انو دانا صارلها حادث وماتت وسولها عزاء لانا انصدمت وفي نفس الوقت ندمت هيا صح كانت تكره اختها بس ماكانت تباها تموت فتمنت انوا ماقللتلها داك الكلام يعني لانا صدقت انو دانا ماتت والناس صدقوا ماعد الام وطبعا الاب حسب انو دانا برضه ماتت لانو مستحيل تقعد شهر بدون مويا واكل
دانا كانت محبوسه في الغرفه ماخرجت منها لمده شهر كانوا الخدم يعطوها الطعام ويسكروا الباب وبعد فتره يدخلوا الغرفه وياخذوا الصحون ويسكروا الغرفه وعلى هذا الشكل لمده شهر
كذا خلص الفصل الاول
تعبت من الكتابه
انتضروا الفصل الثاني قريب
واعطوني رايكم في التعليقات
:) :) :) :)
تعليقات
إرسال تعليق